Therese Aarseth har i ein e-post til Vestland fylkeskommune bede om at det vert teke ansvar for fylkesveg 550 gjennom Herand sentrum. Aarseth fryktar at trafikkulukker vil skje om det ikkje kjem tiltak, til dømes fartsdemparar. Ho viser til eit rikt folkeliv sentrum i sesongen frå mai til september, med tungtransport og bilar som passerer i stor fart.
På bakgrunn av dette vert det i år sett opp fartsmålar for å registrera fartsnivået i området. Dersom ein finn trong for fartshumpar, vil Vestland fylkeskommune fremja ein budsjettsøknad om dette i 2022, skriv senioringeniør Terje Vidar Hoel i ei tilbakemelding til Aarseth.
