Trafikkulukke i Tørvikbygd

Tysdag morgon var eit felt i vegbana stengt på fylkesveg 49 mellom Vangdalsbergtunnelen og Berge Gard & Gartneri på grunn av trafikkuhell. Det opplyste Vegtrafikksentralen vest på Twitter klokka 08.13.

Naudetatane rykte ut, og politiet dirigerte trafikken på staden.

Onsdag føremiddag opplyser politibetjent Eirik Mongstad ved Kvam politistasjon at eit køyretøy med ein person var involvert i ulukka. Politiet fekk melding hendinga klokka 08.

Ifylgje Mongstad var personen lettare skadd. Han vart frakta til legevakta for kontroll. Det var store materielle skadar på bilen.

Klokka 10.05 var vegen rydda og open for fri ferdsle. Det skreiv Vegtrafikksentralen vest i ei twittermelding.