Må rekna med trafikkauke
Stenging av ferjesambandet mellom Gjermundshamn og Årsnes fører til auka trafikk på jondalsferja sundag.
Publisert
Sist oppdatert
Problem med ferjebrua i Kvinnherad i 13-tida førte sundag til mellombels stenging av sambandet.
I ettertid er det sett inn ein passasjerbåt og ei ferje mellom Varaldsøy og Årsnes, ifylgje Fjord1. Operatøren rekna fyrst med normal drift tidleg sundag kveld. Klokka 22.32 melde Fjord1 at brua framleis ikkje var i orden. Måndag morgon kom sambandet i vanleg drift att.
Annonse
Tilrådd omkøyringsveg er ferjesambandet Jondal–Tørvikbygd, der ferjekaien var full og vel så det før den største ferja i sambandet gjekk klokka 15.20. Ferjene frå Sunnhordland kom til Kvam for å setja av køyretøy og passasjerar.
