Fleire vart tekne i fartskontroll
Tre fartskontrollar fann stad i Kvam måndag.
I Vikøy delte politiet ut fem forenkla førelegg i 50-sona. Den raskaste av syndarane køyrde i 67 kilometer i timen. I tillegg nekta ein førar å godta førelegget. Vedkomande vert dermed meld, opplyser politoverbetjent Svein Valland Laupsa i Kvam, Samnanger og Tysnes lensmannsdistrikt.
I Norheimsund fekk fire forenkla førelegg i 50-sona, med 63 kilometer i timen som «toppfart». I Øystese fekk to førelegg i 50 sona, og den kjappaste held 66 i 50-sona.
Kontrollane vart utførte i tilknyting til område med skuleborn og andre gåande langs vegen, stor trafikk og avkøyrsler med auka ulukkesrisiko, fortel Laupsa. Dei er del av ei europeisk fartskontrollveke, fortel han.
Ein tidlegare versjon av artikkelen innheldt fleire feil. Desse vart retta onsdag 21. april klokka 12.43. Red.
