Vil utvida treningsrom
Går det som Strandebarm Idrettslag ønskjer, vert treningsrommet på Tangeråsneset snart større.
Publisert
Sist oppdatert
I enden av huset ved idrettsplassen er det eit lager. Ein del av lageret vert brukt som treningsrom. Det ønskjer laget å utvida med om lag hundre kvadratmeter.
Ein søknad er allereie send til Kvam herad. Olav Sletvold, ansvarleg søkjar, fortel at fleire medlemer har gjeve uttrykk for at dei ønskjer at treningsrommet skal verta større og betre.
Annonse
Planen er at det nye rommet både skal få plass til fleire treningsapparat og eit omkledingsrom.
Sletvold ventar i spaning på om heradet godkjenner planane. Skjer det, er neste steg å finansiera prosjektet.
– Om me får løyve, håpar me å koma i gang med arbeidet i løpet av året. Det skal godt gjerast å verta ferdig i år, seier Sletvold.
