Vil utvida skøytebane
Hardanger Skøyteklubb fekk 150.000 kroner frå Sparebanken Vest 6. november.
Publisert
Det skriv klubbleiar Brynjulf Måkestad i ei pressemelding. Avdelingsbanksjef i Sparebanken, May Turid Tømmervik, stod for overrekkinga av eit prov på prosjektmidlane.
Det var stor glede over stønaden, skriv Måkestad. Pengane vil verta bruka til å utvida rulleskøytebanen i Vikøy frå tre til fire meter i breidda.
Annonse
Klubben har tidlegare fått 110.000 kroner frå Sparebankstiftinga Hardanger til utvidinga, som kan setjast i gang til våren.
