– Vil satsa på ungdomar
Kvam Bowlingklubb har søkt Kvam herad om 50.000 kroner frå kraftfondet. Anlegget skal snart oppgraderast.
Planen er å fjerna gamle bowlingmaskiner og montera nye. Førebels er dei nye maskinene lagra hjå Kleppe Møbelfabrikk.
Målet med oppgraderinga er å auka trivnaden og skapa ei meir levande bygd for innbyggjarar i alle aldrar. Med 50.000 kroner får klubben fullført prosjektet, då han til no ikkje har klart å samla inn nok pengar.
Prosjektet omfattar fjerning av gamle maskiner og transport og montering av dei nye. Målet er å gjera det enklare for ungdom å delta i drifta. Dessutan vil mindre vedlikehald og færre maskinfeil gjera det mogleg å ta imot fleire bestillingar, skriv klubben i søknaden.
Den «nye» bowlinghallen skal vera klar til midten av juni. Til hausten planlegg klubben å auka satsinga på ungdom ved å arrangera eigne kveldar for dei. Klubben melder òg om ein auke i seniorgruppa, og har utvida lokalet for å kunna hysa større grupper.
Les også:
