Viktige poeng til Norheimsund

Norheimsund sikra tre viktige poeng i kampen mot nedrykk laurdag.

Herrelaget slo Nordnes 3–0 i 5. divisjon i fotball.

Skåringane kom i den siste tredelen av oppgjeret. Alexander Børve Høvik, ein av ei rekkje tidlegare Øystese-spelarar som starta kampen for heimelaget, opna ballet etter vel timen. Johannes Røyrvik stod bak dei to siste måla i haustsola.

Førre fredag slo Norheimsund Eidsvåg 2–1 på heimebane, etter skåringar av Even Haga og Petter Austevoll.

Sigrane har ført laget opp til 5. plass på tabellen. Tre kampar står att av sesongen. Kvemmingane møter Løvstakken på bortebane komande sundag, før sesongen vert avslutta med heimekamp mot Djerv og bortekamp mot Hovding.

Øystese er for lengst klar for nedrykk til 4. divisjon. Fredag tapa laget 1–4 for Åsane 2 i Åsane.

Øystese har berre éin kamp att av sesongen. 22. oktober møter kvemmingane Arna-Bjørnar på bortebane.