J16-laget til Øystese/Norheimsund vann toppkampen mot Lyngbø/Frøya sundag. Bak frå venstre: Ida Elise Buene, Ariel Stryker-Vassnes, Ingeborg Storaker Lindøy, Ronja Måkestad, Oda Østebøvik, Brita Nesse Fjærestad, Lena Øygard, Vilde Eide Skeie og Lilly Ones. Framme frå venstre: Linea Pettersson Gjerde, Sanne Mo, Tuva Bystøl Børve, Eline Fosso, Ida Gjerde Rykkje og Andrea Hallaråker.

– Vart seriemeistrar!

J16-laget til Øystese/Norheimsund jubla ekstra mykje etter sigeren borte mot Lyngbø/Frøya sundag kveld. Og det med god grunn.

Ragnhild Økland Børven
Publisert

Kva gneiste som vart tend då Lyngbø/Frøya skåra kampens 1. mål etter 18 minutts spel, er ikkje godt å seia, men noko skjedde. Det var ikkje aktuelt for kvammajentene å tapa mot laget som låg med same poengsum som dei øvst på tabellen. Som perler på ei snor fekk heimelaget 3 mål i retur av Ida Gjerde Rykkje, Andrea Hallaråker og Ronja Måkestad.

Etter pausen heldt jentene fram med å skåra. Hallaråker og Rykkje fekk inn 1 mål til kvar, før også Oda Østebøvik kom på skåringslista. I det 62. minutt fekk motstandaren inn eit trøystemål, før Rykkje sende ballen i nettet 2 gonger til. Lyngbø/Frøya skåra igjen i 74. minutt, før Måkestad sette punktumet i siste speleminutt. Kampen enda 9–3 i Lyngbø Idrettspark.

Sigeren i toppkampen gjorde Øystese/Norheimsund til seriemeistrar i 2.-divisjon, med 1 kamp igjen å spela. Torsdag møter jentene Minde på bortebane.

øystese fotballklubb sport norheimsund fotballklubb kvam fotball 2. divisjon
Laga med Labrador CMS