Vann pris for god åtferd
Jondalsungdomar oppførte seg eksemplarisk på fotballbana i årets Zinken Cup. Det vart både lagt merke til og premiert.
Publisert
Sist oppdatert
– G14-laget frå Jondal har oppført seg veldig fint både mot motstandarar og dommarar, skriv Odda Fotballklubb på fjesboka.
I tillegg til heider og ære fekk laget utdelt ein pokal og billettar til Brann-kamp.
Annonse
Laget har ingen fast trenar og er ei blanding av jenter og gutar. Treningane deler foreldra på. Kontaktperson for laget, Ann Karina Espeland, fortel at ungdomane i utgangspunktet er kjekke og kanskje litt forsiktige. Det betyr likevel ikkje at ikkje fair play har vore eit tema. Ungdomane er oppdregne med at banning ikkje høyrer heime på fotballbana, og at ein skal snakka fint til dommaren, seier ho.
