Vann på heimebane

Heimekampen enda 2–1 til vertane, etter at Are Tvedterås Fagervik og Øyvind Berge sette ballen i mål høvesvis før og etter pause. Gjestene fekk eit trøystemål heilt på tampen då Sondre Lauvås Skutlaberg skåra.

Fri er vel å merka mellom dei svakaste laga i avdelinga i 5. divisjon. Kvemmingane ligg etter kampen på 6.-plass av 11 lag som framleis heng med. Dei er 12 poeng bak serieleiar Nest-Sotra.

Sundag ventar ein ny kamp, denne gongen på bortebane mot Varegg 2, som ligg på plassen bak laget frå Kvam.