Henrik Espeland (i blått) skåra åtte mål i same kamp laurdag. Her mot Åsane 3 i byrjinga av september.

– Vann 15–0

Jondal G14 sytte for tosifra siger då laget tok imot Njardar/Tysnes på heimebane laurdag.

Ragnhild Økland Børven
Publisert

Måla kom som perler på ei snor etter at Mathea Sollesnes sette inn det 1. målet allereie i det 4. minuttet. Til pause var stillinga 8–0 til jondølingane, ifylgje fotball.no.

7 av spelarane på laget skreiv seg på skåringslista, men ingen hadde fleire mål enn Henrik Espeland. Han sette ballen i målet heile 8 gongar, inkludert eit hat trick i kvar omgang.

Etter kampen ligg laget på 6.-plass med 6 poeng. Øvst ligg Harding G14 med 12 poeng. Njardar/Tysnes er sist på tabellen med 1 poeng.

Neste runde er 19. oktober. Då møter jondølingane Nore Neset 2.

jondal idrettslag jondal fotball sport
Laga med Labrador CMS