Unge skiskyttarar tevla i Holmenkollen
9 utøvarar frå Kvam Langrenn- og Skiskyttarklubb (Kvam LSK) deltok i Kvalfoss-sprinten i Holmenkollen førre helg. Sigrid Norheim vart beste kvemming.
Nettstaden til Kvam LSK melder at skiskyttarane til saman konkurrerte mot over 500 andre ungdomar.
Sigrid Norheim gjekk i J13-klassen. Etter ein 9.-plass laurdag slo ho til med 4.-plass søndag. Det var det beste resultatet frå klubben denne helga, skriv Kvam LSK. Sigrid gjekk på tida 15.34,2 og bomma berre 1 gong på dei 2 skytingane søndagen, medan det vart 2 bomskot på laurdag.
I same klasse fekk Isabella Rose Burgess Opheim 32.-plass og 35.-plass.
Marita Tombre Soldal fekk 16.-plass og 35.-plass i J12-klassen. Sunniva Henriksen Vestbø fekk 13.-plass og 14.-plass.
Asbjørn Norheim fekk 22.-plass i G12-klassen begge dagar.
13.-plass og 31.-plass vart resultata til Jørgen Måkestad i G13-klassen.
I J14-klassen fekk Perle Nygård 45.-plass og 47.-plass, medan Synneva Laupsa Mo fekk 12.-plass og 31.-plass.
Ronja Måkestad tevla i klassen J15. Ho fekk 30.-plass og 28.-plass søndag.