Treng pengar til skatepark

Ålvik Skatepark (ÅS) har søkt om 250.000 kroner frå det kommunale kraftfondet til etablering av ein skatepark i bygda. Parken vil verta ein del av det nye torget i Ålvik.

Publisert

ÅS har i dag fire medlemer. Det har i mange år vore fleire aktive skatarar som har praktisert sporten i ulike delar av bygda. Tidleg på 2000-talet reiste fleire til ein rullebrettpark i Øystese. No er det ingen tilrettelagd stad for skating i heradet. Tanken er at ein eigen skatepark vil gjera at Ålvik torg vert ein møteplass for born og unge som er interesserte i sporten.

ÅS ynskjer etablera ein park med element som vert kjøpte inn etter kvart som ein får finansiering, og så montera dei på dugnad. Prosjektadministrasjon vert òg gjord på dugnad.

Laget har skaffa 1.068 kroner i grasrotdel. Det fått tilbod på tre modular til ein samla pris på 695.000 kroner eksklusiv moms. Dugnadsinnsatsen vert verdsett til 75.000 kroner, og administrasjonen til 32.500 kroner.

Prosjektkostnaden med det fyrste trinnet av parken, inklusiv dugnad, er stipulert til 357.500 kroner.

Laga med Labrador CMS