Treffsikker junior frå Strandebarm

Han vann juniorklassen med 349 poeng, 2 fleire poeng enn det Kristine Solheim Wikane frå Jondal på 2.-plass presterte.

I klasse eldre rekrutt kom Mathilde Nonås, som skyt for Hardanger skyttarlag, på 2.-plass med 348 poeng, 1 poeng bak vinnar Linus Todnem Svardal frå Fana. Aamund Selsvik frå Jondal tok 3.-plassen.

Berre nesten

For Kjetil Skår frå Norheimsund vart det berre nesten. Berre 2 poeng skilde han frå å vinna klasse 3–5 og dermed få tittelen hordameister. Vinnaren Vidar Nottveit frå Seim skyttarlag fekk 346 poeng.

Dag Skår, som skyt for Hardanger skyttarlag, skaut seg ikkje bort med sine 342 poeng. Det heldt til 4.-plass.

Bjørnar Wikane vart den beste skyttaren frå Jondal. Med 339 poeng enda han på 9.-plass. Jondal-skyttar Liv Sollesnes kom på 15.-plass med 336 poeng. Det var godt nok til å verta den nest beste kvinnelege skyttaren. Sollesnes vart berre slegen av Ragnhild Lien frå Ølen, som fekk 340 poeng.

Johannes Skaar Bakke frå Strandebarm og Hardanger skyttarlag vann klasse V73.

Familielag i toppen

I lagskytinga for seniorar vart det gullmedaljar til Hardanger skyttarlag. Laget bestod av Kristi Skår, Dag Skår og Kjetil Skår. I juniorklassen skaut laget frå Stord best, medan Jondal 1 kom på 2.-plass og Hardanger på 3.-plass.

I samlagsskytinga stakk laget frå Hardanger og Voss av med sigeren i ungdomsklassen. Skyttarane var Tuva Lerfall Alvsåker, Jørn S. Haukenes, Kristine Solheim Wikane og Jonas Bjørke.

Seniorlaget Hardanger og Voss 1 måtte nøya seg med ein 2.-plass. Den same plasseringa fekk Hardanger og Voss i veteranklassen.

HF gjer merksam på at fotografen sjølv deltok i tevlinga. Red.