Topplassering til ung spelar
Sju spelarar frå Hardanger Bordtennisklubb (HB) var i Skien i helga. Det enda med gull for ein av dei.
NM for yngre og Stiga 11-ern vart arrangert i Skien Fritidspark frå fredag til sundag. Det skriv HB på Internett. Turneringa samla 350 spelarar frå 36 klubbar.
Skarpast av HB-spelarane gjorde Frede Korshavn Vikesdal det. Trass i at han ikkje var blant dei seeda spelarane av dei 31 som deltok i B-klassen for gutar 11, vann han klassen etter 7 sigrar på rad.
I gutar 11 gjekk Kaleb Mong vidare frå puljespelet og enda på 17.-plass.
Vikesdal og Mong spela saman i gutar 11 lag. Det enda med ein 9.-plass. Mong deltok også i klassen gutar 13, der han rauk ut i gruppespelet, melder klubben.
I gutar 13 B vart Felix van der Leest og Frede nummer 9, medan Murad Basem Farah enda på 17.-plass.
I gutar 15 kom Gustav Korshavn Vikesdal på 33.-plass. I gutar 15 B gjekk både Mohamad Basem Farah og Liam Amir Jamal vidare frå puljespelet. Mohamad sikra seg ein 17.-plass, medan Liam vart nummer 33.
I gutar 15 dobbel rauk HB-spelarane ut i første runde.
