Tok poeng i serieopninga

Fyrstelaget til Hardanger Bordtennisklubb spela 1 uavgjort og tapa 3 kampar i serieopninga i eliteserien i helga.

Det skriv klubben på heimesida. Kampane i Stigaligaen vart spela på Fornebu og i Lørenskog.

Det vart uavgjort mot Snarøya og tap for Jevnaker, Nidaros og Fornebu. Hardanger stilte med Roger Andersson, Jan Roger Andersson, Raif Rustemovski og spelande lagleiar Jack Feng.

Etter runden ligg klubben på 7.-plass på tabellen. 1 lag rykkjer direkte ned. Laget som kjem nest sist, må spela kvalifisering for å unngå nedrykk, som er målet til klubben.

Neste runde er helga 5.–6. november. Då spelar HB 2 kampar i Bergen og 1 kamp i Norheimsund.