Oline Gjerdevik (t.v.), Nantawat Duangkaew og Vimalin Sørstrømmen deltok i krinsmeisterskapen i sprint.

Tok bronse i Bergen

Nantawat Duangkaew frå Hardanger Skøyteklubb hevda seg i krinsmeisterskapen i sprint i helga.

Bård Valvatne
Journalist
Publisert Sist oppdatert

Det opplyser klubbleiar Brynjulf Måkestad til HF. Duangkaew tok bronsemedalje samanlagt i klasse junior B. Han gjekk 500 meter og 1.000 meter både laurdag og sundag. Laurdag fekk han tidene 48,10 og 1.53,14. Sundag gjekk han på 52,86 og 1.46,50.

Også Oline Gjerdevik deltok i meisterskapen. Fredag gjekk ho 100 meter på 18,05 og 400 meter på 1.14,77. Sundag fekk ho 16,39 på 100 meter og 1.37,58 på 500 meter.

Vimalin Sørstrømmen gjekk laurdag 100 meter på 16.69 og 400 meter på 58,30. Sundag gjekk ho 100 meter på 16,78 og 500 meter på 1.25,26.

Meisterskapen gjekk av stabelen på Slåtthaug Kunstisbane. Bergen Skøyteklubb var arrangør. Ifølgje Måkestad var vêret ei utfordring under meisterskapen. Hagl og sludd førte til varierande forhold.

sport hardanger skøyteklubb
Laga med Labrador CMS