To vinnarar og mykje nesten
Hardanger Skyttarlag fekk to hordameistrar i miniatyrskyting i helga.
Ella Måkestad vart meister i klasse eldre rekrutt, etter å ha prestert 349 poeng i Hordastemnet på Seim. Med det tok ho innersvingen på 19 konkurrentar og vann 2 poeng framføre dei 2 neste på lista.
Terje Mo Bjørklund trona på toppen i klasse 2. 343 poeng var nok til å sikra ein margin på 1 poeng til nummer 2.
I klasse 3–5 og eldre junior slo Liv Sollesnes frå Jondal Skyttarlag til med 347 poeng. Det heldt til 2.-plass, poenget bak Marte Elin Havre frå Åsane/Hordvik. Skyttarane i Hardanger Skyttarlag nådde ikkje heilt opp, men hadde likevel 3 mellom dei 11 beste. Dei var like godt i familie: syskena Kjetil Skår på 5.-plass og Åsne Skår på 6.-plass med 345 poeng, og pappa Dag Skår på 11.-plass med 344 poeng.
I klasse V65 vart Arve E. Kolltveit frå Hardanger nummer 2 med 348 poeng, medan jondøling Eilev Åsen med 346 poeng og 6.- plass var best av dei lokale i klasse V73. I V55 vart Magne Lysen frå Hardanger nummer 3 med 347 poeng.
Heller ikkje i samlagsskytinga ville det seg heilt, men veteran- og seniorlaget vart nummer 2 av 3 dei 3 som deltok.
