To kampar – to tap
Tapsrekkja til samarbeidslaga held fram.
Nordhordland vart for sterk for Øystese/Norheimsund sundag. Laget vann fotballkampen i Knarvik 6–0. Ein og same spelar, Andreas Bøe Snekkevik, stod like god bak alle dei fem fyrste måla – pluss ei målgjevnade pasning som kakepynt.
Rune Øvsthus Kolltveit, som spela for gjestene, seier til HF at kampen var nokså jamn lenge. Heimelaget leia såleis berre 1–0 til pause. Etter 55 minutt kom det andre målet, og etter at det tredje kom etter 72 minutt, rann skåringane formeleg inn. Med eit svært ungt lag er det ikkje anna å venta når veteranane etter kvart må ut for å kvila, meiner Kolltveit. Han gler seg likevel over at laget heldt ut litt lenger enn sist.
Tapet inneber at Øystese/Norheimsund framleis ligg sist i avdelinga i 4. divisjon. Alt håp er ikkje ute. Det er berre 4 poeng opp til NHHI på trygg plass. Begge laga har 6 kampar att å spela. Fredag møter Øystese/Norheimsund Odda i Øystese.
Norheimsund/Øystese 2 har skåra 5 mål på 16 kampar. Laget klarte heller ikkje skåra då Kvernbit stod på den andre banehalvdelen. Kampen, som vart spela i Norheimsund fredag, enda 3–0 til gjestene frå Frekhaug.
Norheimsund/Øystese 2 ligg sist i avdelinga i 5. divisjon. Det er 11 poeng opp til Tertnes 2, som ligg på den siste trygge plassen. Båe lag har 6 kampar att.
Sundag reiser Norheimsund/Øystese 2 til Voss for å møta Voss 2.
