Hardanger Bordtennisklubb tapte alle kampane i serierunden i eliteserien på Austlandet i helga. Det vart tap mot Snarøya, Nidaros, B-72 og Laksevåg på Fornebu og i Lørenskog. Hardanger ligg no sist på tabellen med 1 poeng og 22–65 i kampkvote, melder hbtk.no.
Hardanger 2 vann 2 kampar i 4. divisjon i Bergen og er framleis serieleiar. I 5. divisjon spela dei 2 laga til klubben heimekampar. Det eine laget vann og det andre spela uavgjort mot Heros 4.
