Tap for samarbeidslaga
Både Øystese/Norheimsund og Norheimsund/Øystese 2 gjekk på nederlag denne runden.
Øystese/Norheimsund møtte Radøy FK på bortebane laurdag. Det enda med eit 3–4-tap.
Øystese/Norheimsund spela det meste av kampen med éin spelar i manko, etter at Sondre Solberg vart utvist 10 minutt inn i kampen. Måla til Øystese/Norheimsund vart skåra av Samuel Skåre (2) og Sigurd Stevnebø Kaale.
Artikkelen held fram under annonsen.
Øystese/Norheimsund ligg nest sist i si avdeling i 4. divisjon. Det er 4 poeng opp til trygg plass. Sundag møter Øystese/Norheimsund NHHI, det einaste laget som ligg under laget på tabellen, på heimebane.
Heller ikkje Norheimsund/Øystese 2 klarte å vinna denne runden. Fredag møtte laget Østsiden Askøy på Norheimsund stadion. Resultatet vart 1–0 til gjestene.
Norheimsund/Øystese 2 ligg sist i avdelinga i 5. divisjon. Det er 8 poeng opp til trygg plass. Fredag møter Norheimsund/Øystese 2 Valestrand Hjellvik på bortebane.
