Trialsyklist Eirik Ulltang ønskjer å få med mange gode syklistar når han inviterer til verdscuprunde i Voss herad.

Sykkelcup debuterer i Noreg

For første gong vert ein runde i verdscupen i trialsykling arrangerte i Noreg.

Bård Valvatne
Journalist
Publisert

Det kjem fram i ei pressemelding frå Norway’s Best AS.

Runden vert arrangert i Myrkdalen 5.–7. juli. Initiativtakar og arrangør er kvemmingen Eirik Ulltang. Han seier i pressemeldinga at han gler seg.

– Eg har arrangert nasjonale ritt sidan 2011, men ein verdscup er noko heilt anna. Etter å ha delteke på 50 verdscupar sjølv, veit eg kva eg ønskjer meg som utøver. Det vert fokuset når eg no arrangerer, seier han.

Arrangementet er eit samarbeid mellom Myrkdalen Aktiv og verksemda MOOW SHOW, der Ulltang er leiar. Hardanger Sykkelklubb er teknisk arrangør.

sykling sport
Laga med Labrador CMS