Øystese/Norheimsund-trenar Denis Ljubovic har grunn til å sjå uroleg ut etter at laget gjekk på eit stortap i helga. Biletet er frå ein kamp tidlegare i sesongen.

Stygge tap for samarbeidslaga

Måla rann inn bak målvaktene til samarbeidslaga denne veka.

Bård Valvatne
Journalist
Publisert Sist oppdatert

Det vart ingen god sundag for Øystese/Norheimsund. Laget møtte NHHI i Øystese. Kampen enda 4–0 til bortelaget.

Etter tapet ligg Øystese/Norheimsund sist i si avdeling i 4. divisjon. Det er 4 poeng opp til Sund på den siste trygge plassen. Sund har spela éin kamp meir enn Øystese/Norheimsund.

Øystese/Norheimsund skal spela kamp att på laurdag. Då er det nettopp Sund som står på motsett banehalvdel på Hald stadion.

I 5. divisjon vart heimelaget Valestrand Hjellvik for sterkt for Norheimsund/Øystese 2. Laget slo kvemmingane 7–0. Kampen vart spela fredag.

Etter kampen ligg Norheimsund/Øystese 2 framleis sist i avdelinga. Det er 9 poeng opp til Tertnes 2 på trygg plass. Norheimsund/Øystese 2 har spela éin kamp færre enn bergensarane.

Norheimsund/Øystese 2 får nye moglegheiter onsdag, då laget møter Hausvik på bortebane. Hausvik ligg på plassen over Norheimsund/Øystese 2 på tabellen.

øystese fotballklubb øystese sport norheimsund fotballklubb norheimsund fotball 4. divisjon
Laga med Labrador CMS