Stortap på Askøy for A-laget – B-laget rykkjer ned

Det unge fotballaget har fått nokre smellar før i år, men denne var den største av dei alle.

Halvvegs i kampen låg kvemmingane under 1–3, etter at Anders Botnen hadde utlikna til 1–1. Den siste omgangen enda altså 11–0 til vertslaget, som er serieleiar. Berre dei siste tjue minutta enda ballen i mål 8 gonger.

Medan heimelaget har ein måldifferanse på 54–5 på heimebane, har gjestene ein differanse på 9–57 på bortebane. I alt har kvemmingane sleppt inn 83 mål, suverent flest i avdelinga i 4. divisjon.

Når 3 kampar står att, har laget i praksis 5 poeng opp til sikker plass. Komande laurdag kjem Arna-Bjørnar på vitjing, før Voss og Trio i ventar i dei to siste kampane. Alle dei tre motstandarane ligg på den øvste halvdelen av tabellen.

B-laget i 5. divisjon tapa 0–7 for Follese på heimebane torsdag. Ettersom Tertnes 2 rett over nedrykksstreken vann mot Hausvik i helga, inneber resultatet at Norheimsund/Øystese ikkje lenger kan unngå nedrykk. 4 kampar står att av sesongen, den fyrste på bortebane mot Austrheim komande laurdag.