Trenar Denis Ljubovic (t.v.) og spelarane på innbytarbenken såg urolege ut då Øystese/Norheimsund tapa for Nordhordland nyleg. Dei såg truleg ikkje mindre urolege ut då laget møtte Osterøy onsdag kveld.

Stortap for A-laget

Sigeren mot Odda var ikkje starten på ein god trend for samarbeidslaget Øystese/Norheimsund.

Bård Valvatne
Journalist
Publisert Sist oppdatert

Osterøy vann 9–0 då laga møttest på Osterøy onsdag. Øystese/Norheimsund ligg dermed framleis sist på tabellen når det er 4 kampar att å spela. Det er 4 poeng opp til nedrykksstreken.

Laurdag møter Øystese/Norheimsund Askøy på bortebane. Askøy leier avdelinga i 4. divisjon.

B-laget Norheimsund/Øystese 2 spela 2–2 borte mot Voss 2 sundag. Olav Nesheim og Håvard Grane Hisdal skåra måla til kvemmingane. Laget ligg sist i avdelinga i 5. divisjon. Det er 13 poeng opp til sikker plass når laget har 5 kampar att å spela. Det nærmar seg altså teoretisk umogeleg å hindra nedrykk.

I neste kamp møter laget frå Kvam Askøy 2 torsdag 28. september.

øystese fotballklubb øystese sport norheimsund fotballklubb norheimsund fotball 4. divisjon
Laga med Labrador CMS