Sprint og servering
44 stilte opp då skigruppa i Jondal baud på både serierenn og tacomiddag på Storemyr fredag kveld.
Publisert
Sist oppdatert
Sprint stod på programmet i lysløyperenn nummer fem, som på grunn av avlysingar ikkje eigentleg var nummer fem. Alle deltakarane over sju år den same distansen, nærare bestemt halve runden i lysløypa. Løypa, preparert av Svein Olav Espeland, var av det raske slaget denne kvelden, ifylgje arrangøren.
Etter rennet baud skigruppa altså på fredagstaco og saft i skihuset, der nokre av kveldens funksjonærar hadde koka medan løparane tok seg ut utandørs.
Annonse
Dei fleste deltakarane var 16 år eller yngre, og det var eit sprang frå desse til dei fire mennene i aldersgruppa 43–49 år. I trimklassen gjekk 10 denne kvelden.
