Kristi Lutro Gjerde i farten i slalåmløypa på Åse.

Sprella på ski på Åse

Kring førti personar møttest til Skisprell på Åse på Omastrand i strålande vintervêr laurdag.

Sigbjørn Linga
Bladstyrar
Publisert Sist oppdatert

Skirekrutteringstiltaket er retta mot dei under ti år. Dei fekk prøva nytt utstyr til skileik som arrangøren, skigruppa i Strandebarm Idrettslag, har kjøpt inn.

Leiar i skigruppa, Torunn Lutro, opplyser at borna kunne boltra seg i ei rundløype på med balanseøvingar, slalåmportar og hopp. I tillegg kunne dei aka. Ei særleg populær øving var å pitla twistsjokoladar i fart.

Brage Alme Djupesland med mamma Cecilie Alme Torgersen ved eit hinder han enkelt passerer.

Alle fekk medaljar og noko å drikka, og nokre heldige vann gåver – takk vere lokale sponsorar.

Det vart ein fin dag i sola på Åse. Gjestene kunne varma seg kring ei bålpanne om ikkje sola var tilstrekkeleg.

Skisprell

• Aktivitetsopplegg frå Norges Skiforbund

• Målet er skiglede med hjelp av gode rammer og inspirerande, sosial aktivitet til dømes i alpin-, hopp- eller langrennsanlegg eller i andre eigna nærområde

• Klubbane som melder seg på, kan velja aktivitetar frå ein idébank og supplera med eigne idear og påfunn

Kjelde: Norges Skiforbund

ski sport strandebarm idrettslag omastrand langrenn
Laga med Labrador CMS