Sprang inn til ein 12.-plass
Bjørnar Sandnes Lillefosse frå Strandebarm reiste medaljelaus heim frå europameisterskapen i friidrett.
Publisert
Sist oppdatert
Onsdag kveld sprang Lillefosse 10.000 meter under meisterskapen som vart arrangert i Roma. Det enda ifølgje NRK med ein 12.-plass i B-heatet med tida 29.47,03. Vinnaren av B-heatet vart spanjolen Jesus Ramos, som sprang på 28.24,93.
Før løpet sa Lillefosse til statskanalen at eit skadeavbrekk i vinter gjorde at han ikkje hadde store ambisjonar i år.
Annonse
– Målet er å vera med, ha det morosamt og få ei så god plassering som mogleg med den forma eg er i, sa han.
Han hadde også eit mål om å ikkje verta teken att med ein runde. Det målet nådde han ikkje.
