Christoffer Nordås Sørheim (i midten) frå Norheimsund vann fylkesmeisterskapen i leirdueskyting. Bjarte Linga (t.v.) tok 2.-plassen, medan Jan Egil Rosvoll fekk 3.-plassen.

Sørheim trefte flest duer

Christoffer Nordås Sørheim skaut best då Øystese jeger- og fiskarlag arrangerte fylkesmeisterskap i leirdueskyting jegertrap.

Bård Valvatne
Journalist
Publisert

Tone Mo er leiar i kvinneutvalet til arrangøren. Ho skriv i ein e-post at 27 personar frå 14 til 92 år tevla i meisterskapen i Vangdalsåsen 21. mai. Alle deltakarane kom frå Hordaland.

Ifølgje Mo kom det ikkje som ei overrasking at Sørheim gjekk til topps. Han er ein erfaren leirdueskyttar som har skote jamt og godt i lang tid, skriv ho.

Fleire lokale skyttarar hevda seg i sine klassar: Hans Tørvik fekk 2.-plass i klasse B, Lars Dalatun fekk 2.-plass i E1, Iver Dalatun vann D2, Henrik Mo Seljebotn vann D1, medan Mo sjølv vann F. Dessutan kom Øystese 1 på 3.-plass i lagskytinga.

tørvikbygd sport skyting øystese jeger- og fiskarlag
Laga med Labrador CMS