Sollesnes vann igjen

Jondalsskyttaren vann banetevlinga i klasse 3—5 i Vangdalsåsen med 346 poeng. Marginen ned til Hardanger-skyttarane Åsne og Kjetil Skår på høvesvis 2.- og 3.-plass var 2 poeng.

Magne Lysen frå Hardanger vann V55 med 349 poeng, Lars Kåre Almeland frå Voss vann V65 med 350 poeng, og Arne Berge frå Hardanger vann V73 med 350 poeng. Sistnemnde klasse var den desidert største på stemnet. Heile 19 deltok.

Celina Utskot Bråthun frå Hardanger vart beste junior med 339 poeng, Kristine Solheim Wikane frå Jondal vann klasse eldre rekrutt med 349 poeng, og Mathilde Nonås frå Hardanger tok meistertittelen i rekruttklassen med 347 poeng. Morten Øyeflaten frå Hardanger var med 331 poeng best i klasse eldre junior.