Sollesnes i toppen i nordisk meisterskap
Jondøling Liv Sollesnes slo til med 348 poeng og vart nummer 3 i nordisk meisterskap i baneskyting i Drøbak fredag.
Resultatet føyer seg inn i rekkja av gode resultat for jondølingen i år.
Sollesnes var tydeleg nøgd då ho ho kunne konstatera at ho presterte 99 poeng i finalen, etter å ha innleia med 249 poeng. Før finalen låg ho på skive 3, bak 2 skyttarar som hadde fullt hus – 250 poeng – før dei 10 siste skota.
Rasmus Løberg trekte til sist det lengste strået, etter omskyting med Roger Nilsen. Båe fekk 349 poeng. Dei 8 fyrste plassane gjekk til norske skyttarar.
Skyteprogrammet i meisterskapen skil seg litt frå vanleg baneskyting. Medan 10-skoten inneber berre skyting i liggjande stilling, rommar finalen 3 i ståande, 3 i kneståande og 4 i liggjande stilling.
Nilsen vann liggjandeøvinga tidlegare fredag, der Sollesnes ikkje hadde marginane med seg og hamna på 22.-.plass.
Jondølingen er 1 av 10 som vart teken ut til å representera Noreg i den prestisjefylte tevlinga. Konkurrentane kjem frå Sverige og Danmark.
