Sollesnes i kongeleg selskap

Liv Sollesnes frå Jondal vert ein av deltakarane i Skytternes mestermøte 13. august. Arrangementet er ei lita erstatning for det avlyste Landsskyttarstemnet, og skal kringkastast av NRK1, skriv Norsk Skyttertidende.

Dei inviterte er alle skyttarkongar, -dronningar, -prinsar og -prinsesser frå 2000 til 2019. Dersom alle kjem, vil 44 delta. I tillegg får 14 andre utvalde skyttarar delta, pluss vinnaren av Frende Cup i 2016 og 2018, Anette Thingbø Sundnes.

Sollesnes vart skyttarprinsesse i 2002 og 2011, er med andre ord i celebert selskap. Jondølingen har i tillegg vunne to prinsessetitlar før tusenårsskiftet, den fyrste i 1990.