Frå venstre: Nantawat Duangkaew, klubbleiar Brynjulf Måkestad, Knut Bernhard K. Vikøy, Oline Gjerdevik og Vimalin Sørstrømmen slo seg sjølve på Slåtthaug nyleg.

Slo trenaren på 100 meter

Hardanger Skøyteklubb stilte med fem deltakarar til krinscup supersprint på Slåtthaug kunstisbane på Nesttun torsdag 16. februar.

Håkon Norheim
Journalist
Publisert Sist oppdatert

Vekslande bergensvêr gjorde isen våt, men det hindra ikkje kvemmingane i å oppnå gode resultat, opplyser ein av foreldra, Silje Vikøy.

Oline Gjerdevik sette personleg rekord med tida 18,41 sekund på 100 meter. Vimalin Sørstrømmen gjekk på 17,14 sekund på 100 meter og 1.16,85 på 500 meter. Knut Bernhard K. Vikøy sette personleg rekord på 100 meter med 16,42 sekund og på 300 meter med 46,21 sekund i år. Nantawat Duangkaew bruka 12,74 på 100 meter og persa på 500 meter med tida 49,41 sekund, opplyser Vikøy.

Klubbleiar Brynjulf Måkestad hadde også ei god tid på 100 meter med 13,30 sekund, men måtte altså sjå seg slegen av Duangkaew. Sistnemnde deltok i tillegg i lagtempo, der laget kom på 3.-plass.

skøyter hardanger skøyteklubb bergen sport
Laga med Labrador CMS