Slo rekordar på Slåtthaug

Nantawat Duangkaew, Vimalin Sørstrømmen og Oline Gjerdevik skeisa då Fana Idrettslag skipa til avslutningsløp på Slåtthaug Kunstisbane laurdag 11. mars. 68 deltakarar frå Bergen Skøyteklubb, Fana IL, Hardanger Skøyteklubb og Stord Skeiser stilte til start.

Duangkaew, i klasse junior C, gjekk 500 meter på tida 49,46. Han fekk òg si bestenotering så langt på 1.500 meter på Slåtthaug med tida 2.55,58. Sørstrømmen, i 11-årsklassen, sette nye personlege rekordar på 500 meter og 300 meter med høvesvis 1.11,89 og 42,75. Gjerdevik, i 10-årsklassen, gjekk 100 meter på 18,50 og debuterte på 300 meter med 52,26.

Det var varierande vêrtilhøve med sol og snøbyer på Nesttun, opplyser leiar og trenar Brynjulf Måkestad, som var overdomar på stemnet.