Skåre skåra tre gonger
Det vart ein såkalla målrik affære då Øystese/Norheimsund tok 3 nye poeng i fotballens 5. divisjon fredag kveld.
Publisert
Sist oppdatert
Bortekampen mot Fotlandsvåg enda 5–3 til kvemmingane, som leia 3–0 halvvegs og auka leiinga til 4–0 kort tid etter pause. Samuel Skåre stod bak 3 mål, medan Øyvind Berge var den andre målskåraren.
2 reduseringar frå vertane skapa ein viss nerve i kampen etter kring 70 minutt, men Øyvind Aarhus Engesæth sette inn det 5. målet for gjestene. Eit sjølvmål av Jarand Valland Tveit fekk såleis lite å seia.
Annonse
Øystese/Norheimsund ligg på 6.-plass etter 9 kampar, rett under nettopp Fotlandsvåg med like mange poeng. Dei 2 har 8 poeng opp til serieleiar Nest-Sotra med 22 poeng. Onsdag 19. juni kjem Telavåg, som er nummer 3, på tur til Kvam. Dinest ventar eit par månader med fotballferie.
