Chris-André Bolstad Fauske og Dag Skår (t.v.) frå Hardanger Skyttarlag var om lag like gode og sikra seg plass nummer 3 og 4 i klasse 3–5.

Skår slo knockout på konkurrentane

Med nær feilfri skyting vart Kjetil Skår suveren vinnar på miniatyrstemnet i Jondal.

Sigbjørn Linga
Bladstyrar
Publisert

349 poeng heldt i lange banar til å vinna klasse 3–5 på banen i Gjeskadalen. Marginen ned til heimefavoritt og arrangør Liv Sollesnes var på heile 3 poeng. Deretter fylgde Chris-André Bolstad Fauske og Dag Skår frå Hardanger med 345 poeng.

Vegard Eide Aase frå Hardanger var uheldig og fekk 9,9 poeng på fleire skot, men det hadde å lite å seia for rekkjefylgja på resultatlista i klassen eldre rekrutt.

Fleire lokale heltar gjorde det godt. Johannes Skippervik frå Jondal vann rekruttklassen, der 4 av 6 deltakarar kom frå arrangørlaget, med 329 poeng. Vegard Eide Aase frå Hardanger vann eldre rekrutt med 340 poeng, og Isak Bjørke frå Hardanger var best i juniorklassen med 347 poeng og ein margin på heile 8 poeng til nummer 2.

Jonas Bjørke frå Hardanger var nær feilfri skyting, men mista 1 poeng på kvart av dei 3 siste skota i juniorklassen.

I dei 3 veteranklassane vart det 1 lokal vinnar: Arve E. Kolltveit frå Hardanger. Han presterte 349 og tok innersvingen på 3 andre i V65. I V73 måtte Arne Berge for ein gongs skuld sjå seg slegen. 350 poeng med 18 innertiarar heldt ikkje, for Jostein Haukås frå Åsane/Hordvik prikka inn like mange poeng og 22 innertiarar.

Terje Mo Bjørklund vann klasse 2 med 342 poeng. Kristine Solheim Wikane frå Jondal vann eldre junior med 333 poeng.

Medrekna «intern» skyting hjå arrangøren strekte stemnet seg over heile fire dagar frå tysdag til sundag, med sundagen som den store dagen. Stemnet lokka 96 skyttarar til Gjeskadalen.

Komplette resultat finn du her.

sport jondal skyttarlag jondal skyting
Laga med Labrador CMS