Skal arrangera meisterskap i Herand

Eivind Tokheim, nestleiar i Odda Orienteringslag, vonar over 300 deltakarar vi stilla på startstreken. Meisterskapen samlar deltakarar frå orienteringskrinsane Rogaland, Hordaland og Sogn og Fjordane. Laget arrangerte meisterskapen på Seljestad i 2016.

I år stiller laget med eit heilt nytt område. Kartet er ikkje klart endå. Det var Herand Bygdeblad som fyrst melde om det nye kartet. Ifylgje Tokheim dekkjer kartet heile området der skiløypene i Jondal og Herand går, og ein får tilgang frå båe sider. Kartet skal visa eit område med Vassenden i sør, Fodnastøl i aust, Unndal i nord og Sekk i vest.

– Det er spanande å springa i nye område. Me har 50–60 kvadratkilometer med kart i Odda frå før, men håpar no å nå ut med sporten til folk frå Jondal og Herand, seier Tokheim til HF.