Frå venstre: Nantawat Duangkaew, Brynjulf Måkestad, Oline Gjerdevik og Vimalin Sørstrømmen deltok på skeiseløp i Stavanger i helga.

Sette thailandsk rekord

Det vart mange personlege rekordar då Hardanger Skøyteklubb vitja Vår Energi Arena og Sparebanken Vest Rekordløp i Stavanger i helga.

Håkon Norheim
Journalist
Publisert Sist oppdatert

Best var Nantawat Duangkaew (14), som sette personleg og thailandsk rekord på 500 meter med tida 47,45. Det er det raskaste nokon mannleg thailandsk skeiseløpar har gått på distansen, ifylgje speedskatingresults.com. Han forbetra seg med 8,4 sekund frå 500 meter i fjor, opplyser leiar og trenar i klubben, Brynjulf Måkestad.

På 1.000 meter gjekk Duangkaew på 1.43,84, ei forbetring frå i fjor på 23 sekund. På 1.500 meter gjekk han på 2.46,57, ei forbetring frå i fjor på 21 sekund.

Veteran Joar Kvittingen gjekk 1.500 meter på 2.50,10. Elles deltok Vimalin Sørstrømmen og Oline Gjerdevik.

Løparane har trena seg opp på rulleskeiser, opplyser Måkestad.

sport skøyter hardanger skøyteklubb stavanger
Laga med Labrador CMS