Samlar snø etter våt veke

Fredag offentleggjorde skisentera i Eikedalen og Furedalen planane for dei neste dagane. Båe er i full sving med å «reparera» løyper etter det kraftige regnet dei siste dagane.

Furedalen Alpin har avlyst kveldskøyringa i dag, men reknar med å opna att laurdag og ha ope for både dag- og kveldskøyring heile ferien.

I Eikedalen reknar skisenteret med å ha i alle fall to heisar opne heile ferien, men det vert arbeidd med å få til meir etter kvart. I fyrste omgang vert det berre dagkøyring.