Rundt og rundt på Haukås
Aldri før har det vorte gått så mange rundar rundt Sneldevatnet i Strandebarm som det vart laurdag, skal ein tru den lokale skigruppa.
Publisert
Born og vaksne gjekk så mange rundar dei berre makta då dei deltok i Sneldevatnet rundt på Haukås i helga. Det opplyser Torunn Lutro, som er leiar i skigruppa i Strandebarm Idrettslag.
Ifylgje Lutro var det stort engasjement blant borna som traska rundt vatnet. Medan nokre tidleg sa seg nøgde, var det andre som heldt på til dei hadde gått eit tosifra tal rundar.
Annonse
Den 940 meter lange løypa vart preparert dagen før av Haukås Skiløypelag.
Rekorden landa på 13 rundar rundt vatnet, opplyser Lutro. Ifylgje henne vart det ikkje stilt krav til tal på rundar eller tidsbruk til dei kring 35 borna som deltok.
Mellom rundane kunne deltakarane skaffa seg påfyll av mat og drikke. Etterpå fekk alle utdelt diplom og pokal.
