Rossvoll «slapp» opprykk

I helga var det opprykkskvalifisering til Mizunoligaen i volleyball. Kvalifiseringa var ei trelagsturnering mellom Sotra, Torvastad og Rossvoll, sistnemnde frå Kvam. Alle kampane vart spela på Karmøy.

Torvastad kjempa for å ikkje rykka ned, medan Rossvoll og Sotra kjempa om å koma seg opp ein divisjon. På førehand var det sagt frå Rossvoll at klubben ikkje eigentleg ynskte opprykk.

– Me lyt ha nokre sesongar i 1. divisjon for å byggja laget, seier trenar Jon Erlend Haukås

Han er nøgd med at laget klara seg såpass godt i jomfrusesongen at det fekk spela opprykkskvalifisering i det heile.

– No skal me halda fram det gode arbeidet mot neste sesong, seier han.

Sesongen startar att i oktober.