G17-laget til Rossvoll Volleyballklubb klarte ikkje å kjempa i toppen i U17-NM. Bak, frå venstre: Magnus Berge, Simon Håland, Sandar Lyssand, Benjamin Lid, Sondre Haugsland Ur, Sindre Kolle, Eskild Eikrem og Jon Erlend Haukås. Framme, frå venstre: Sverre Gule, Noah Jondahl, Brage Tellevik, Iver Klyve og Øyvind Vik.

Rossvoll-lag snubla i sluttspela

Det vart ingen suksess for kvemmingane i U17-NM i volleyball.

Bård Valvatne
Journalist
Publisert

Korkje jentelaget eller gutelaget til Rossvoll nådde heilt til topps i noregsmeisterskapen som vart arrangert i Haugesund frå fredag til sundag. Trenar for G17-laget, Jon Erlend Haukås, fortel at laget hans enda på 12.-plass.

– Me hadde litt stong ut i 8.-delsfinalen mot Kristiansand Sandvolleyballklubb. Me vann det første settet og hadde lenge god kontroll i det andre. Så rakna det fullstendig, og laget frå Kristiansand vann både det andre og tredje settet, fortel han.

Snubla gjorde også J17-laget ifølgje Haukås. Laget tapa 16.-delsfinalen mot Sortland VBK, og enda på 17. plass.

– Jentene tapa det første settet, men vann det andre og hadde lenge god kontroll i det tredje. Så snubla også dei mot slutten av kampen, fortel Haukås.

Han fortel at jentelaget hadde som ambisjon å nå kvartfinalen. Ambisjonen til gutelaget var å verta blant dei ti beste.

sport rossvoll volleyballklubb volleyball
Laga med Labrador CMS