Øystese Fotball spela treningskamp mot Halsnøy på det gamle og no utskifta kunstgraset før sesongen. Til høgre ser me Øystese-spelar Eirik Rubach Kanestrøm.

Resirkulerte kunstgras

Øystese Fotballklubb fekk eit negativt karbonavtrykk ved innlevering av det gamle kunstgrasdekket.

Håkon Norheim
Journalist
Publisert

Det kjem fram i ein berekraftrapport frå TeBe Sport AS som klubben har delt med Kvam herad. Sport Surface AS rulla opp kunstgrasmatta.

Det gamle kunstgraset målte 10.572 rutemeter, vog kring 275 tonn og vart frakta bort av TeBe Sport til gjenvinning. Sistnemnde opplyser at det vart køyrt 3.729 kilometer med 11 lastebilar. Det gjekk med 1.657 liter diesel tilsvarande 4,2 tonn karbondioksidekvivalentar.

9,1 tonn ekvivalentar vart sleppte ut under prosjektet. Det reduserte utsleppet på grunn av gjenbruk av råvarer var på 56 tonn. Nettoutslepp vart dimed minus 46,9 tonn.

Til hausten skal sanden og styren-butadiengummien (SBR) separerast, reinsast og gjerast klar for gjenbruk på nye og eksisterande kunstgrasbanar.

sport idrettsanlegg fotball øystese
Laga med Labrador CMS