Regjeringa opnar for inntil 600 tilskodarar på idrettsarrangement utandørs
Inntil 600 tilskodarar kan sleppe inn på fotballkampar og andre utandørsarrangement frå 12. oktober. Innandørs gjeld framleis grensa på 200 menneske.
Det kunngjorde kulturminister Abid Raja (V) på ein pressekonferanse onsdag ettermiddag.
Han fortalde at ein held fram med forsiktig opning for å sjå an utviklinga før ein opnar opp meir. Dei 600 menneska som får kome på ein utandørsarena, må framleis vere delt inn i kohortar på opp til 200 personar.
Annonse
– Vi har sett 12. oktober som oppstartsdato for å gi kommunane tid til å førebu seg. Kommunane må følgje med og stengje ned dersom det kjem smitteutbrot, sa Raja.
(©NPK)
