Parkering er viktig pengekjelde
Éin million kroner fekk Sjusete Skisenter i inntekter frå sal av årskort og dagsparkering i 2023.
Publisert
Rekneskapen som er send til Kvam herad, syner at det vart betala inn 727.250 kroner i sesongkort og 273.813 kroner for dagsparkering.
Dei samla inntektene var på vel 2,6 millionar kroner, medrekna mellom anna stønad til modernisering av lysanlegget på 0,8 millionar kroner. Utanom lysanlegget var den største driftsutgifta leasing av trakkemaskina, som kosta vel 0,6 millionar kroner. Årsresultatet var vel 339.000 kroner.
