Øystese tapa på bortebane
Øystese sitt herrelag i fotball målte krefter på bortebane mot Osterøy laurdag ettermiddag. Heimelaget vann 3–1.
Heimelaget trong ikkje meir enn 3 minutt før det 1. målet var på plass i kampen på Osterøy stadion.
Etter ein liten halvtime utlikna Øystese då Morten Heradstveit Øyri sette ballen i nettet. 5 minutt seinare skåra Osterøy att, og laga gjekk til pause med stillinga 2–1.
Vel 20 minutt inn i andre omgang skåra Osterøy sitt 3. og siste mål i kampen.
Øystese kom frå ein 3–1-siger mot Fana 2, og Osterøy kom frå 1–3-tap for Tertnes. Blåtrøyene ligg etter kampane laurdag på 10.-plass, like over nedrykksplass. Fana 2, som ligg på plassen under, lukkast berre med å ta 1 poeng mot tabelljumbo Bergen Nord laurdag, og er framleis 1 poeng bak Øystese.
Neste kamp – den siste heimekampen for sesongen – er fredag 21. oktober. Då skal laget måla krefter med nettopp Bergen Nord. Den siste sjansen til å ta poeng denne sesongen er laurdag 29. oktober. Då møter Øystese Voss, som i skrivande stund ligg på 2.-plass.
