Over 100 deltek i halvmaraton
Mellom andre ein ukrainar, ein italienar og ein israelar står på startstreken i Hardanger halvmaraton laurdag.
Publisert
Sist oppdatert
Årets utgåve er den tredje i rekkja. Bak står Øystese Idrettslag, som ventar over 100 deltakarar i år. Det er ny rekord. Dessutan er det fyrste gong andre enn nordmenn deltek.
Løpet er 21,1 kilometer langt og går tur–retur mellom Storeteigen i Øystese og Lidarende. Løyperekordane har Tore Akerlie og Ingrid Ukkelberg med høvesvis 1.09.53 og 1.23.21.
Annonse
Fleire lokale heltar i både herre- og kvinneklassen, men også mange tilreisande, er å finna på deltakarlista.
På Storeteigen vert det skipa til familiedag med diverse aktivitetar under maratonen.
