Nye tap for samarbeidslaga
Både A- og B-laget tapa på heimebane i lokalfotballen denne veka.
Øystese/Norheimsund i 4. divisjon tapa 2–5 for Voss onsdag kveld, i ein kamp der Kristoffer Bidne stod bak 4 av måla til gjestene. Tarjei Wilkensen reduserte for heimelaget. I tillegg sende vossing Martin Bidne ballen i eige nett.
Laget frå Kvam ligg sist på tabellen, men der er det tett. 5 lag har 7 eller 6 poeng. Torsdag er Trio på Husnes vertskap i siste kamp før ferien.
Fredag kveld vart topplaget Fotlandsvåg for tøff motstand for Norheimsund/Øystese i 5. divisjon. Gjestene vann 7–0 i Norheimsund.
Dimed held kvemmingane stand sist på tabellen, med 4 poeng og like mange skåringar etter 9 kampar. Siste vinnarsjanse før ferien er på bortebane mot Hausvik 23. juni.
I ein tidlegare versjon av artikkelen vart det opplyst at Fotlandsvåg vann 3–0. Dette er ikkje korrekt. Red.
