Frå venstre: Isabella Rose Burgess Opheim, Jørgen Måkestad, Maylinn Hellene Fonneland og Sigrid Norheim i Kvam Langrenn- og Skiskyttarklubb heiar på klubbveninne Sunniva Henriksen Vestbø.

Lokal klubb skipa til ekstra renn på Sjusete

Kvam Langrenn- og Skiskyttarklubb arrangerte dugnadsrenn då hovudarrangøren måtte avlysa.

Mari Ulvund
Journalist
Publisert Sist oppdatert

Då Vik Idrettslag i Sogn ikkje hadde høve til å arrangera renn nummer 4 i New Boliden Green Zink cup på grunn av snømangel, heiv kvemmingane seg rundt og tok på seg oppdraget.

66 løparar i alderen 10–17 år stilte til start på Sjusete sundag. Størst var deltakinga i klassane for dei yngste, med totalt 25 løparar.

Av dei lokale utøvarane var det Ronja Måkestad som enda på toppen av pallen. Med 9 av 10 moglege treff vann ho i klassen for 13-åringar.

Synneva Laupsa Mo, Balthasar Möller og Jakob Aarekol Botnen enda på 2.-plass i sine klassar. Jørgen Måkestad og Philomene Möller var nummer 3 i G11 og J14.

Kvam LSK stilte med til saman 17 deltakarar.

sport ski kvam langrenn- og skiskyttarklubb skiskyting
Laga med Labrador CMS